Novitads

Collaboratur/-a secretariat uffeci da baghegiar (50 %)

La vischnaunca Ilanz/Glion enquera sin l’entschatta uost 2020 ni tenor cunvegnientscha in/-a

collaboratur/-a secretariat uffeci da baghegiar (50 %)


La vischnaunca Ilanz/Glion occupescha rodund 80 emploiai (senza persunas d‘instrucziun) ed ei ina patruna da lavur moderna. 13 fracziuns, rodund 4‘800 habitontas e habitonts sco era ina bun‘infrastructura fuorman la vischnaunca e procuran per in camp d’activitad multifar ed attractiv. Sco porta alla Ruinaulta e centrum dalla Surselva ei la vischnaunca in impurtont interlocutur per la populaziun, per hosps, uffecis e surprendiders. Per nies team motivau ed engaschau encurin nus in rinforzament.


Vossas incumbensas

  • lavurs specificas digl uffeci da baghegiar
  • correspondenza generala, scrivers da submissiun e surdadas da lavur
  • redacziun da protocols, propostas e notizias d'acta
  • liquidaziun dalla posta e repartiziun dalla posta interna
  • menar ed actualisar differents registers, gliestas e statisticas
  • survetsch al spurtegl e telefon
  • sustegn dil superiur

 

Vies Profil

  • emprendissadi mercantil
  • experientscha da lavur ell'administraziun communala ei giavischau
  • luvrar cunscienzius ed exact
  • persunalitad confidenziala e ferma
  • fetg bunas enconuschientschas dils programs da MS Office ed el cass ideal da CMI Bau
  • expressiun correcta en lungatg e scartira
  • enconuschientscha dil romontsch ei giavischau

 

Nossa purschida

  • lavur varionta ed interessanta
  • cundiziuns d’engaschament tenor legislaziun communala e cantunala


Entschatta da lavur: 1. d'uost 2020 ni tenor cunvegnientscha
Pensum da lavur: 50 % d’ina plazza cumpleina
Liug da lavur: casa cumin a Glion

Informaziuns
Andreas Pfister, menader infrastructura, telefon 081 920 15 60

Annunzias per la plazza ein d’inoltrar en scret ni per mail cun ils documents usitai entochen margis, ils 2 da zercladur 2020 alla:

Administraziun communala Ilanz/Glion
Michael Spescha, menader canzlia
Plazza Cumin 9
7130 Glion

Mail: michael.speschailanz-glionch


Nus selegrein sin Voss’annunzia.