Novitads

Finiziun digl emprendissadi – cordiala gratulaziun

La fin fenadur 2019 termineschan dus emprendists dalla vischnaunca Ilanz/Glion lur emprendissadi cun success. Suenter treis onns da scolaziun ha Aron Büchler da Schluein absolviu igl examen final sco commerciant mercantil. Plinavon ha Leroy Ward da Castrisch absolviu igl emprendissadi sco bostger. Nus havein priu enconuschientscha cun satisfacziun dils resultats cuntonschi e gratulein pil success professiunal. Pigl avegnir giavischein nus tut bien ad els.

Rick Bisquolm da Ruschein ha absolviu in practicum tier il menaschi tecnic. El entscheiva igl uost 2019 igl emprendissadi sco specialist pil manteniment dil menaschi el secund onn. Nus giavischein ina bun’entschatta.


Glion, ils 19 da fenadur 2019            Direcziun communala Ilanz/Glion