Novitads

Finiziun digl onn da scola 2018/19

Il team da scola Ilanz/Glion giavischa ina buna finiziun digl onn da scola 2018/19 e silsuenter bialas vacanzas da stad. Ils affons vegnan relaschai ellas vacanzas da stad tenor suandonta communicaziun dils loghens da scola:

Castrisch e Sevgein – scoletta e scalem primar
La scoletta fa igl avonmiezdi dil davos di da scola in’atgna finiziun e finescha igl onn da scola tenor urari. Scolaras e scolars dalla primara (1.-6. classa) passentan lur miezdi communablamein sper il Rein e fineschan la scola entuorn las 16.15.

Duvin – scalem primar
Venderdis, ils 28 da zercladur 2019 dat ei in solver communabel en scola per las scolaras ed ils scolars sco era per las persunas d’instrucziun, e quei naven dallas 08.00. Il suentermiezdi sentupein nus cun la scolasta da religiun ed il scolast, lu dat ei enzatgei bien – sco finiziun vegnan ils attestats repartgi.

Glion – scoletta e scalem primar
La finiziun communabla digl onn da scola fuorman las festivitads en connex cun REUNIUN. Il davos di da scola vegn serraus giu communablamein. Ils temps sedrezzan tenor urari. Allas 15.00 termineschan tut las classas igl onn da scola.

Glion – scalem superiur
Las scolaras ed ils scolars dil scalem superiur passentan igl avonmiezdi cun la persuna d’instrucziun da classa. Naven dallas 13.30 – 15.00 ha liug ina finiziun da scola communabla ell’aula.

Rueun – scoletta, scalem primar e superiur
La messa finala ha liug ils 28 da zercladur 2019, allas 10.45 en baselgia. Ils geniturs ein cordialmein envidai da separticipar. Il suentermiezdi sesplega per tut ils affons da scola tenor urari.

Ruschein – scoletta e scalem primar
Sco finiziun digl onn da scola fagein nus gievgia sera, ils 27 da zercladur 2019 allas 18.30 ina grillada avon scola. Ils geniturs ed auters interessai ein cordialmein envidai! Ils scolars (scolarets facultativ) dierman quella notg en scola, seigi quei en tendas ni endadens, tut tenor aura. Vendergis, ils 28 da zercladur ei scola tenor urari. Dallas 11.00-11.45 fagein nus ina pintga finiziun per tuts affons da scola e scolarets.

Structuras dil di
Igl onn da scola 2019/20 vegn la survigilonza puspei purschida mintga di tenor il reglement da menaschi. Affons da scola ord ils vitgs da nossa vischnaunca san medemamein far diever dallas structuras dil di a Glion (meisa da miezdi e survigilonza dil suentermiezdi). Per il transport dils affons ein ils geniturs responsabels. Ils formulars d’annunzia correspundents retscheivan ils geniturs ensemen culs uraris aunc avon la finiziun da scola. Annunzias valan mintgamai per in semester. Il reglament da menaschi cun las taxas anfleis Vus cheu.

Plan da vacanzas 2019/20
entschatta digl onn da scola, ils 19 d’uost 2019
vacanzas d‘atun: 7-10-2019 – 18-10-2019
vacanzas da Nadal: 23-12-2019 – 03-01-2020
vacanzas da sport: 24-02-2020 – 28-02-2020
vacanzas da primavera: 20-04-2020 – 01-05-2020
finiziun digl onn da scola: venderdis, ils 26 da zercladur 2020
Firaus e dis libers tenor il plan da vacanzas sin la pagina d’internet www.scola-glion.ch


Team da scola Ilanz/Glion