Novitads

Diever gratuit dils parcadis publics a Glion

Dapi la fin mars 2020 sa vegnir parcau gratuitamein a Glion. Il parcar gratuit han ins introduciu per sustener fatschentas sco era gidontras e gidonters digl agid da buna vischinonza che s'engaschan per persunas dallas gruppas da resca. Ultra da quei savevan commembers dil schurmetg civil e dall'armada Svizra, ch'eran el survetsch per il sectur da sanadad ed il generalesser, nezegiar ils parcadis gratuitamein. Grazia all'introducziun dil diever gratuit dils parcadis publics a Glion han quellas automobilistas e quels automobilists buca stuiu far quitaus per castitgs ed han saviu seconcentrar cumpleinamein sin lur survetschs. Il diever gratuit dils parcadis publics a Glion resta pusseivels entochen ils 31 da matg 2020. Silsuenter ein ils parcadis puspei suttamess a taxas. Cun la pusseivladad da parcar gratuitamein duein denter auter era las fatschentas a Glion, ch'ein puspei aviartas dapi ils 11 da matg 2020, vegnir sustenidas.

Nus supplichein da prender enconuschientscha.


Glion, ils 15 da matg 2020            Vischnaunca Ilanz/Glion