Novitads

Exposiziun publica da cooperaziun dalla planisaziun locala cun publicaziun da protesta determinaziun dils cunfins d'uaul

En applicaziun digl art. 13 dalla ordinaziun cantunala davart la planisaziun dil territori per il cantun Grischun (OPTGR) ha liug l'exposiziun publica da cooperaziun per ina revisiun parziala dalla planisaziun locala ella vischnaunca Ilanz/Glion. El medem mument succeda en applicaziun digl art. 11 dalla lescha cantunala digl uaul (LCG) ed art. 13 alinea 1 dalla lescha federala digl uaul (LGu) la publicaziun ufficiala dils cunfins d'uaul el territori Bigliel fixai e mesirai dallas instanzas forestalas responsablas.

Tema:
Revisiun parziala dalla planisaziun locala territori d'explotaziun Bigliel

Acts da publicaziun planisaziun locala:
- Plan da zonas, territori d'explotaziun Bigliel, 1:2'000 
- Plan da formaziun general, territori d'explotaziun Bigliel, 1:2000
- Plan d'avertura territori d'explotaziun Bigliel, 1:200
- Rapport da cumpatibladad digl ambient incl. aschuntas, engrondiment territori d'explotaziun 2. etappa, Tschentaneras (Bigliel), Sevgein
- Rapport da planisaziun e cooperaziun
- Rapport d'examinaziun preliminara digl uffeci per il svilup dil territori dil cantun Grischun dils 2 da zercladur 2020

Acts da publicaziun determinaziun dils cunfins d'uaul:
Ils cunfins d'uaul mesirai ein indicai special el plan da zonas 1:1'000.

Cuoz da publicaziun:
30 dis (naven dils 25 da settember entochen ils 26 d'october 2020)

Liug e temps da publicaziun:
Casa Cumin Glion, infrastructura 3. alzada, allas 08.30 uras entochen las 11.30 uras ed allas 13.30 uras entochen las 17.00 uras.

Duront il temps da publicaziun sa mintgin inoltrar a scret propostas ed objecziuns tier la Suprastonza communala.

Protesta encunter determinaziun dils cunfins d'uaul:
Encunter ils cunfins d'uaul impurtai el plan da zonas sa vegnir fatg protesta a scret tier igl Uffeci d'uaul e prighels da natira, Ringstrasse 10, 7000 Cuera, enteifer 30 dis naven dil datum da publicaziun. Senza protesta va la determinaziun dils cunfins d'uaul en vigur.

Damondas tier determinaziun dils cunfins d'uaul:
Per damondas stat igl Uffeci d'uaul e prighels da natira, regiun 3, 7130 Glion, tel. 081 257 62 75 a disposiziun.


Glion, ils 25 da settember 2020            Suprastonza communala Ilanz/Glion