Novitads

Fiera da vinars dils 30 da december 2020 a Glion

A caschun dalla sesida dils 28 da settember 2020 ha la direcziun communala dalla vischnaunca dad Ilanz/Glion decidiu da buca menar atras la fiera da vinars. Muort las consequenzas dalla pandemia da corona e dalla malsegirtad da planisaziun vegn desistiu dalla realisaziun. Il svilup dils cass caschuna difficultads ella planisaziun. Tier la fiera da vinars setracta ei buca d'ina fiera ordinaria. La gronda tradiziun ed igl aspect social procuran che la fiera da vinars da Glion daventa mintgamai ina fiasta populara alla fin digl onn. La pli aulta prioritad ell'evaluaziun partenent la realisaziun ha adina la sanadad dallas marcadontas e dils marcadonts sco era dallas visitadras e dils visitaders. Nus supplichein per capientscha ed enconuschientscha.

Nus selegrein gia ussa sin la fiera da vinars dils 29 da december 2021 a Glion.


Glion, ils 28 da settember 2020                    Direcziun communala Ilanz/Glion