Novitads

FIRST LEGO League

La FIRST LEGO League (FLL) ei in program da formaziun mundial ch’ei vegnius iniziaus d’ina fundaziun FIRST, Lego ed auters sponsurs. Cheutras han affons e giuvenils la pusseivladad da s’avischinar a scienzia e tecnologia. Il punct culminont annual dil program ei ina concurrenza che vegn organisada sin camp local, regiunal e naziunal. En quella concurrenza han ils teams la pusseivladad da presentar e schar valetar ina giuria lur robots da "Lego Mindstorms" sviluppai duront las jamnas precedentas.

Nossa purschida: Naven da l’entschatta zercladur tochen il november (buc duront las vacanzas) preparein nus vus ella scola Glion sin la participaziun alla First Lego League. Quella ha liug sonda, ils 23 da november 2019 ella scola da pedagogia aulta a Cuera. Nus luvrein en gruppas da dus e programein nies robot per la concurrenza, aschia ch’ils pensums tschentai san vegnir sligiai. Cunquei ch’ins sto adina puspei secussegliar e collaborar ei la lavur el team fetg impurtonta.

Eis ti denter 12 e 16 onns vegls ed has plascher da perscrutar, baghegiar models da lego e programar, s’annunzia tier Susanna Scharf sut 076 588 68 54. Enconuschientschas da programar ein buc exnum necessarias. Il diember da plazs ei limitaus.


Scola Ilanz/Glion