Novitads

Cassaziun da fossas sil santeri a Sevgein

Sebasond als artechels 14 e 15 dalla lescha da sepultura Ilanz/Glion e considerond il termin da publicaziun da sis meins, ha la direcziun communala Ilanz/Glion decidiu sin proposta dalla responsabla da santeri, da rumir entochen sil pli tard la fin settember 2020 entginas fossas sil santeri a Sevgein. La cassaziun pertucca las suandontas fossas:

- Cadalbert Hans Peter 1913 – 1996
- Capeder Martin 1910 – 1997
- Cadalbert Josef + Cathomas-Cadalbert Maria 1918 – 1999 / 1923 – 2010
- Flury-Schönenberg Ulrich 1934 – 1999
- Maissen-Ammann Theresia 1909 – 2000


Percass ch’igl ei buca pusseivel da rumir ina fossa ni l’autra entras ils derivonts ni responsabels, vegn la vischnaunca a far quella lavur per ina indemnisaziun pauschala da CHF 200.00. Nus supplichein Vus da s’annunziar per quei intent tier l’administraziun communala dalla vischnaunca Ilanz/Glion. Bien engraziament per la capientscha.


Glion, ils 17 da schaner 2020            Direcziun communala Ilanz/Glion