Novitads

Informaziuns dalla suprastonza communala dils 20 da schaner 2020

La suprastonza communala ha tractau ils 20 da schaner 2020 a caschun dall’emprema sesida digl onn 2020 il suandont:
- elecziun da Damian Cadalbert sco vicepresident communal entochen fin zercladur 2020 e da Roman Cantieni naven da fenadur 2020 entochen december 2021;
- elecziun da Giusep Arpagaus da Ladir sco commember dalla cumissiun promoziun da sanadad e prevenziun;
- deliberaziun dil messadi pertuccont revisiun dalla constituziun per mauns dil parlament communal;
- deliberaziun dalla revisiun parziala dalla planisaziun locala zona da commerci Crappa Grossa a Glion cugl intent da construir in'ovra per producir energia cun gas da lenna per mauns dall'exposiziun da cooperaziun;
- fixaziun entrada en vigur revisiun parziala lescha da taxas tier lescha da baghegiar pigl 1. da december 2019;
- concessiun lubientschas da baghegiar renovaziun illuminaziun da vias el marcau vegl a Glion sco era sanaziun da restontas veglias dils pegliaballas dils stans da sittar a Duvin e Pitasch;
- declaraziun d'intenziun per l'introducziun dalla procedura da perimeter per la sanaziun dalla via Paradiesgärtli a Glion;
- approbaziun dretg da carrar e da trapass a Sasolas, Luven;
- prender per enconuschientscha il rapport d'activitads 2019 dalla cumissiun d'energia.

Nus supplichein da prender enconuschientscha.


Glion, ils 24 da schaner 2020           Suprastonza communala Ilanz/Glion