Novitads

Informaziuns dalla suprastonza communala dils 5 da fevrer 2019

La suprastonza communala ha tractau ils 5 da fevrer 2019 il suandont:

- discussiun communabla cun il cussegl da scola davart il svilup e scenaris pusseivels per il futur dalla scola Ilanz/Glion;
- approbaziun declaraziun d'intent concept da svilup d'auas Surselva;
- approbaziun revisiun parziala ordinaziun davart las ustrias;
- tractament proposta dalla tgira da monuments cantunala da metter sut schurmetg l'anteriura scola da tgirunzas a Glion;
- alzament credit supplementar per l'examinaziun preliminara sanaziun digl indrez da svidar il bogn aviert;
- elecziun cumissiun da baghegiar per il project "renovaziun areal dalla staziun ed autos da posta Glion";
- contribuziun per la renovaziun dalla baselgia claustrala a Mustér.

Nus supplichein da prender enconuschientscha.


Glion, ils 8 da fevrer 2019            Suprastonza communala Ilanz/Glion