Novitads

Informaziuns dalla suprastonza communala dils 12 da november 2019

La suprastonza communala ha tractau ils 12 da november 2019 il suandont:

- secunda lectura dalla lescha davart il manteniment, menaschi e diever dallas ovras da meglieraziun ed ulteriuras ovras ordeifer il territori da baghegiar;
- deliberaziun dalla revisiun parziala planisaziun locala staziun a Glion sco era dalla revisiun parziala planisaziun locala Salavras partenent zona per la cultivaziun da material per mauns dalla preexaminaziun entras igl uffeci per il svilup dil territori dil cantun Grischun;
- introducziun revisiun parziala planisaziun locala partenent explotaziun da material a Bigliel, Sevgein;
- approbaziun da separticipar alla cunvegna d'entelgientscha dil cantun Grischun partenent l'inquisiziun dalla CUMCO "22-0457: prestaziuns da construcziun Grischun";
- posiziun ella procedura da consultaziun davart la revisiun parziala dalla lescha introductiva tier l'intermediaziun da lavur e tier l'assicuranza encunter la disoccupaziun cantunala;
- approbaziun d'in alzament temporar dils pertschien da plazzas el menaschi forestal/survetsch tecnic;
- approbaziun da dus credits supplementars per il manteniment da baghetgs.

La sesida ha giu liug a Siat. Suenter la sesida ei la suprastonza communala s'entupada e stada a disposiziun per in brat cun la populaziun da Siat. Nus supplichein da prender enconuschientscha.


Glion, ils 15 da november 2019                         Suprastonza communala Ilanz/Glion