Novitads

Informaziuns dalla suprastonza communala dils 15 da december 2020

La suprastonza communala ha tractau ils 15 da december 2020 il suandont:

- deliberaziun revisiuns parzialas planisaziun locala extensiun zona da cultivaziun da material Salavras, Rueun e planisaziun locala Bigliel, Sevgein, terrotori d'explotaziun, per mauns dil parlament communal;
- introducziun telefonia d'internet per l'administraziun communala;
- decisiun da principi e procedura pertuccont elaboraziun concept communal dallas alps;
- endrizzament plaz provisoric per rulottas Fontanivas, Glion, per la stad 2021;
- approbaziun contracts da servitud cun la societad d'immobilias Manuela SA, parcella 512, Glion, e cun la Repower SA, parcella 9524, Ruschein;
- acquist surfatscha per via d'access agl institut Sogn Giusep, Glion;
- decisiun da consentiment pertuccont extensiun digl indrez existent per la telefonia mobila, parcella 512, Castrisch, Sunrise Communications SA;
- damonda da sustegn per il turissem d'unviern (senda d'unviern) a Siat;
- credit per elaboraziun concept communal da communicaziun;
- damonda da sustegn preproject "Schichtwechsel - La Surselva";
- approbaziun formaziun santeri Castrisch cun construcziun fossa communabla;
- entrada en vigur lescha davart il diever dad immobilias dalla vischnaunca Ilanz/Glion sco era revisiun parziala lescha da taglia dalla vischnaunca Ilanz/Glion;
- approbaziun dallas versiuns romontschas dall'ordinaziun davart il diever dad immobilias dalla vischnaunca Ilanz/Glion sco era dall'ordinaziun per carrar cun vehichels a motor sin vias d'alp, da funs e d'uaul dalla vischnaunca dad Ilanz/Glion.

Nus supplichein da prender enconuschientscha e giavischein a tut las habitontas ed ils habitonts dalla vischnaunca dad Ilanz/Glion bialas fiastas da Nadal ed in bien niev onn 2021 plein cuntentientscha e sanadad.


Glion, ils 18 da december 2020                    Suprastonza communala Ilanz/Glion