Novitads

Informaziuns dalla suprastonza communala dils 15 da schaner 2019

La suprastonza communala ha tractau ils 15 da schaner 2019 a caschun dall'emprema sesida digl onn 2019 il suandont:

- deliberaziun dil rapport davart la verificaziun dallas incumbensas communalas e proposta dalla suprastonza communala per ademplir l'incumbensa Maissen per mauns dil parlament;
- deliberaziun dalla midada dil contract da concessiun e dalla cunvegnientscha da valur restonta ovra electrica Zervreila SA per mauns dil parlament e dalla votaziun all'urna;
- approbaziun dalla regulaziun dallas cumpetenzas finanzialas partenent cumpras e surdadas en vischnaunca;
- decisiun davart la vendita d'ina casa d'ina famiglia a Luven;
- approbaziun dil credit per disfar las stelas d'informaziun;
- approbaziun dil maletg empalont communal d'energia ed elecziun substitutiva ella cummissiun d'energia;
- concessiun dalla lubientscha da baghegiar e decision da recuors project Via S. Clau Sura a Glion;
- approbaziun contract da servitut per igl indrez fotovoltaic sil tetg dalla scola professiunala e dil center da formaziun da lenn a Glion;
- fixaziun dall'entrada en vigur dalla lescha davart las taxas tier la lescha da baghegiar retroactiv per igl 1. da schaner 2019;
- lubientscha da baghegiar per la suosta da vehichels tier il luvratori forestal a Rueun.

Nus supplichein da prender enconuschientscha.


Glion, ils 18 da schaner 2019            Suprastonza communala Ilanz/Glion