Novitads

Informaziuns dalla suprastonza communala dils 17 da december 2019

La suprastonza communala ha tractau ils 17 da december 2019 a caschun dalla davosa sesida digl onn 2019 il suandont: 

- elecziun cumissiun per la promoziun da sanadad e prevenziun (Anita Caduff, Roman Cantieni, Brida Camenisch, Mathilda Derungs); 
- approbaziun cunvegna da prestaziun uffeci d'uaul e prighels da natira pertuccont revier forestal Ilanz/Glion;
- deliberaziun consultaziun tier la revisiun parziala dalla lescha d'uaul cantunala; 
- vendita dalla patinera artificiala;
- tractament da duas protestas tier decisiuns da taxas; 
- approbaziun dil sboz revidiu dalla repartiziun da cuosts via da colligiaziun rundella H19 cun via veglia sursilvana; 
- approbaziun cunvegna cun il cantun pertuccont sanaziun dalla H19 via veglia sursilvana, part Rueun enteifer il vitg; 
- deliberaziun dall'obligaziun dil survetsch da pumpiers da persunas che han adempliu per varga 15 onns scharschas da cader; 
- prender per enconuschientscha il rapport final dallas festivitads da refo500; 
- approbaziun alzament contribuziun dalla vischnaunca per l'exposiziun ILHGA 2020; 
- approbaziun servitut funsila pertuccont retratga d'electricitad a Pitasch.

Nus supplichein da prender enconuschientscha e giavischein bialas fiastas da Nadal ed in bien niev onn 2020 plein cletg e sanadad.


Glion, ils 20 da december 2019            Suprastonza communala Ilanz/Glion