Novitads

Informaziuns dalla suprastonza communala dils 2 d'october 2020

La suprastonza communala ha tractau ils 2 d'october 2020 il suandont:

- presentaziun e tractament zona tempo 30 e concept da traffic plaun Glion;
- credit per l'adattaziun dalla colligiaziun via dalla claustra ella via da Ruschein;
- deliberaziun messadi partenent reorganisaziun dalla suprastonza ed administraziun communala per mauns dil parlament communal;
- deliberaziun messadi partenent relasch lescha davart l'utilisaziun d'immobilias per mauns dil parlament communal;
- deliberaziun messadi partenent revisiun parziala dalla lescha da taglia per mauns dil parlament communal;
- deliberaziun messadi partenent il preventiv 2021 e la planisaziun da finanzas 2022–2026 per mauns dil parlament communal;
- tractament damondas convischins da Ruschein pertuccont damonda da baghegiar antenna 5G a Ruschein;
- posiziun davart revisiun dallas statutas e document da fundaziun casa da vegls e tgira Glion;
- approbaziun cunvegna cun la viafier retica partenent brat da terren alla staziun/Pendas a Glion;
- contribuziun alla renovaziun dalla caplutta S. Antoni de Padua a Ruschein;
- approbaziun restricziuns da traffic Via Hans Erni a Glion;
- entrada en vigur retroactiva revisiun parziala dalla lescha dismessa dallas auas;
- fixaziun termins sesidas suprastonza communala 2021.

Nus supplichein da prender enconuschientscha.


Glion, ils 9 d'october 2020            Suprastonza communala Ilanz/Glion