Novitads

Informaziuns dalla suprastonza communala dils 22 da settember 2020

La suprastonza communala ha tractau ils 22 da settember 2020 il suandont: 

- deliberaziun preventiv 2021 sco era plan da finanzas investiziuns 2022–2026 per mauns dil parlament;
- approbaziun project da baghegiar e d'exposiziun sco era surdada dallas lavurs da planisaziun per la construcziun d'ina scala da pèschs a Peiden;
- deliberaziun revisiun parziala planisaziun locala territori d'explotaziun Bigliel a Sevgein sco era engrondiment zona per il tractament da material Salavras a Rueun per mauns dall'exposiziun da cooperaziun; 
- concessiun lubientscha da baghegiar per sanaziun da restonzas veglias dil tschaffaballas dil stan da sittar da 300 m a Ruschein; 
- concessiun dretg da baghegiar pli damaneivel alla parcella 5162 a Luven; 
- decisiuns da consentiment tier la damonda da baghegiar container da biro e garderobas (construcziuns temporaras) luvratori a Glion sco era damonda da baghegiar pumpa da calira cun aria/aua anteriura casa communala a Schnaus;
- approbaziun vendita parcella da baghegiar 13738 el quartier Begl a Sevgein; 
- deliberaziun posiziun pertuccont orientaziun futura dalla Ruinaulta per mauns dall'uniun Ruinaulta.

Nus supplichein da prender enconuschientscha.


Glion, ils 25 da settember 2020            Suprastonza communala Ilanz/Glion