Novitads

Informaziuns dalla suprastonza communala dils 30 da zercladur 2020

La suprastonza communala ha tractau ils 30 da zercladur 2020 il suandont: 

- rapport da situaziun pandemia da corona e consequenzas sin il quen annual 2020; 
- deliberaziun posiziuns tier ils recuors el rom dall'approbaziun dalla revisiun totala dalla planisaziun locala; 
- lubientscha da baghegiar construcziun nova reservuar e remplazzament lingias d'aua Via da Sasolas a Luven; 
- posiziun ella consultaziun adattaziun sistem d'elecziun cussegl grond;
- prender per enconuschientscha rapport davart l'analisa d'organisaziun dalla vischnaunca Ilanz/Glion;
- relasch directiva pertuccont carnet da duers presidi communal e suprastonza communala; 
- concessiun dretg da baghegiar pli damaneivel alla Regiun Surselva per construir in niev access per il survetsch logopedic ella Casa Surselva a Glion; 
- desister da menar atras la fiasta d'emprem d'uost 2020 a Glion muort la pandemia da corona;
- decisiun da protesta ella procedura da perimeter sanaziun Via Tuegna a Ruschein e nova introducziun.

La suprastonza communala giavischa a tuts in bi temps da stad e da vacanzas – restei sauns.


Glion, ils 3 da fenadur 2020            Suprastonza communala Ilanz/Glion