Novitads

Intenziun dad instradar ina procedura da contribuziun per la construcziun dalla nova via d'avertura plazza auto da posta

Sefundond sin art. 22 dall'ordinaziun cantunala per la planisaziun dil territori sco era sin ils art. 62 e 63 dalla lescha cantunala per la planisaziun dil territori ha la suprastonza communala da Ilanz/Glion decidiu a caschun dalla seduta dils 27 d'uost 2019 l'intenziun dad instradar ina procedura da contribuziun, definau il territori cumpigliau sco era fixau la cumpart previda dils cuosts per la construcziun dalla nova via d'avertura plazza auto da posta per l'interessenza publica e privata. Sin fundament dallas perscripziuns ord il plan da quartier vegn la via partida en duas parts cun differentas interessenzas publicas, resp. privatas.

Intent:
nova via d'avertura plazza auto da posta

Cumpart dils cuosts:
Part A:

entochen il cunfin parcella 485/486 Part publica 45% Part privata 55% , cumpart parcella nr. 485: 50% (tenor plan da quartier Center Staziun), cumpart restonta part privata: 5%
Part B:
naven dil cunfin parcella 485/486 Part publica 80% Part privata 20%

Cunfinaziun Perimeter:
La cunfinaziun da perimeter da contribuziun ei indicada el plan da contribuziun d'exposiziun.

Temps d'exposiziun:
Naven dils 9 da settember entochen ils 9 d'october 2019 (30 dis)

Liug e temps d'exposiziun:
Uffeci da baghegiar, duront las uras da spurtegl

Protestas:
Encunter l'intenziun dad instradar ina procedura da contribuziun, encunter il perimeter da contribuziun previu per la construcziun dalla nova via d'avertura plazza auto da posta sco era encunter las cumparts dils cuosts per l'interessenza publica e privata san tuttas persunas cun in interess schurmegiau inoltrar ina protesta enteifer 30 dis dapi questa publicaziun. La protesta ei d'inoltrar a scret e motivada alla suprastonza communala. Ina copia dil text da publicaziun vegn tarmessa tier a mintga proprietaria ed a mintga proprietari avon il termin da publicaziun.

Glion, ils 6 da settember 2019 Suprastonza communala Ilanz/Glion