Novitads

Intenziun dad instradar ina procedura da perimeter tier la sanaziun totala da ina part (parcella nr. 622) dalla Via la Lutta, Glion

La suprastonza communala dad Ilanz/Glion ha decidiu a caschun dalla seduta dils 27 d'ocotber 2020 dad instradar tier la sanaziun dad ina part (parcella nr. 622) dalla Via la Lutta, Glion, ina procedura da perimeter. Quei sin fundament dils art. 62 e 63 dalla lescha da planisaziun dil territori dil cantun Grischun (LPT) sco era digl art. 22 dalla ordinaziun da planisaziun dil territori (OPT).

Ils acts dalla procedura da perimeter ein exponi per investa publica naven dils 6 da november 2020 en Casa Cumin a Glion ella 3. alzada. Ils temps d'avertura ein mintgamai naven dallas 08.30 entochen las 11.30 e naven dallas 13.30 entochen las 17.00 . Sche Vus saveis buca vegnir sperasora ella Casa Cumin periva dil virus da Corona, supplichein nus Vus, da prender si contact per telefon sut la numera 081 920 15 66.

Duront il temps da publicaziun sa ei vegnir fatg protesta a scret e cun argumentaziun encunter l'intenziun dad instradar ina procedura da perimeter, encunter la surfatscha pertuccada ed encunter la repartiziun dils cuosts denter privats e vischnaunca.


Glion, ils 6 da november 2020            Suprastonza communala Ilanz/Glion