Novitads

Intenziun dad instradar ina procedura da perimeter tier la sanaziun totala dalla Via Tuegna a Ruschein

La suprastonza communala dad Ilanz/Glion ha decidiu a caschun dalla seduta dils 31 da mars 2020 dad instradar tier la sanaziun totala dalla Via Tuegna a Ruschein ina procedura da perimeter. Quei sin fundament dils art. 62 e 63 dalla lescha da planisaziun dil spazi dil cantun Grischun (KRG) sco era digl art. 22 dalla ordinaziun da planisaziun dil spazi (KRVO). A caschun dalla seduta dils 30 da zercladur 2020 ha la suprastonza communala decidiu dad engrondir il perimeter per ina ulteriura parcella.

Ils acts dalla procedura da perimeter ein exponi per investa publica naven dils 10 da fenadur 2020 en Casa Cumin a Glion ella 3. alzada.

Duront il temps da publicaziun sa ei vegnir fatg protesta a scret e cun argumentaziun encunter l'intenziun dad instradar ina procedura da perimeter, encunter la surfatscha pertuccada ed encunter la repartiziun dils cuosts denter privats e vischnaunca.

Glion, 10 da fenadur 2020 Suprastonza communala Ilanz/Glion