Novitads

Eruida dallas datas structuralas agricolas 2019 (dumbraziun da biestga)

Tut ils formulars ein d'inoltrar alla vischnaunca Ilanz/Glion entochen ils 20-02-2019 alla suandont'adressa:

Administraziun communala Ilanz/Glion, Plazza Cumin 9, 7130 Glion ni directamein al spurtegl dall'administraziun en casa cumin, 3. alzada, infrastructura.

Il temps per tschaffar sur internet ei da risguardar, 31-01 entochen ils 14-02-2019, 00.00 uras.

Menaschis ed elevaturs d'animals (era elevaturs da hobi), independentamein dallas contribuziuns, ils quals adempleschan allas suandontas cundiziuns, ein d'annunziar:

a) Surfatschas

1 ha surfatscha utilisabla agricola
30 a culturas specialas
10 a cultivaziun protegida

b) Animals

armauls naven d'in animal (tschaffada da TVD)
alpaccas naven d'in animal
cauras naven d'in animal
pors naven d'in animal
nuorsas naven d'in animal
cavals naven d'in animal
gaglinam naven da 5 animals
ualers naven d'in pievel d'aviuls (era ualers vits)
menaschis da pèschs

Per ulteriuras informaziuns stattan ils responsabels dalla vischnaunca Ilanz/Glion bugen a disposiziun:

Guido Camenisch (per ils vischinadis Ladir, Pigniu, Rueun, Ruschein e Siat) 078 851 19 93
Armin Walder (per ils vischinadis Castrisch, Duvin, Pitasch, Riein e Sevgein) 079 235 72 76
Clemens Christoffel (per ils vischinadis Glion, Luven e Schnaus) 079 389 74 74

Dapli informaziuns ed ils formulars necessaris ein da cattar sin www.alg.gr.ch.

Vischnaunca Ilanz/Glion