Novitads

Occurrenza d’informaziun dils 19 d’uost 2019 davart il tema antenna da 5G a Rueun

La sera d’informaziun publica ha liug gliendisdis, ils 19 d’uost 2019 allas 20.00 en sala plurivalenta a Rueun. Ils suandonts referats ein planisai:

- pass precedents e stan actual dalla damonda per in’antenna dalla Swisscom a Rueun, dr. Carmelia Maissen, presidenta communala
- situaziun da partenza e basegns dalla Swisscom, Buntefuss/Hefti
- limitas protecziun encunter radiaziun, René Müller, Uffeci per la natira ed igl ambient dil Grischun
- la damonda digl electrosmog, insch. dipl. SPF Peter Schlegel
- cundiziuns giuridicas e libertad d’agir, dr. iur. Gieri Caviezel

Suenter ils referats stattan las referentas ed ils referents a disposiziun per damondas ed ina discussiun.


Glion, ils 9 d‘uost 2019            Surpastonza communala Ilanz/Glion