Novitads

Exposiziun publica dalla mesiraziun ufficiala da Pigniu, sort 5

L'ovra da mesiraziun dalla vischnaunca dad Ilanz/Glion, fracziun Pigniu, sort 5, per il territori agricol e forestal cumpigliau ella meglieraziun generala da Pigniu, vegn exponida publicamein tenor art. 22 dalla lescha cantunala da geoinformaziun (LCGeo; DG 217.300).

Actas d'exposiziun:

-  plan per il register funsil nr. 61, scala 1:500

plans per il register funsil nr. 62, 63, 64, 65 e 66, scala 1:1'000

plan per il register funsil nr. 4947, scala 1:10'000

plan da localisaziun

plan cun las numeras postalas ed ils loghens

descripziun dallas immobilias (register dallas surfatschas)

cedels da proprietad

register dils beins immobiliars

 

Liug d'exposiziun: Casa communala Pigniu

 

Temps d'exposiziun: venderdis, ils 10 da matg 2019 entochen mardis, ils 11 da zercladur 2019 mintgamai da gliendisdis entochen venderdis, dallas 8.00 entochen las 18.00

 

Informaziuns: Il parsura dalla cumissiun da schazetg da Pigniu ed igl inschignier geometer stattan a

disposiziun gievgia, ils 23 da matg 2019, dallas 13.30 entochen las 14.30 el local d'exposiziun per ulteriur

sclariment.

 

Ils cedels da proprietad ed ina copia dil text da quella publicaziun vegnan tarmess per posta allas proprietarias ed als proprietaris dils beins immobiliars avon l’entschatta dall'exposiziun dils plans.

 

Tgi che cumprova in interess legitim po far protesta en scret tenor art. 23 dalla LCGeo menziunada tier la cumissiun da schazetg dalla meglieraziun da Pigniu, p.m. Pius Caminada, Miez Vitg 36A, 7149 Vrin, entochen il pli tard mardis, ils 11 da zercladur 2019 (datum dil bul da posta).

 

La protesta sto cuntener ina proposta, ils fatgs ed ina motivaziun sco era las numeras dils plans e dallas parcellas. Sch'ei vegn contestau cunfins, sto vegnir aschuntau ina copia dil plan ni ina skizza. Quei ch'ei gia vegniu decidiu ella procedura dalla repartiziun nova ni dalla terminaziun sa buca pli esser cuntegn dalla protesta.

 

 

Glion, ils 9 da matg 2019                                  Suprastonza communala Ilanz/Glion