Novitads

Exposiziun publica dalla procedura da participaziun en connex cun la planisaziun locala (cun exposiziun informa-tiva en caussa damonda da runcar)

Tenor igl art. 13 da l'ordinaziun davart la planisaziun dil territori dil cantun Grischun (OPTGR) ha liug l'exposiziun da participaziun en caussa revisiun parziala dalla planisaziun locala dalla vischnaunca. Duront il medem temps vegn publicau per informaziun la damonda da runcar.

Object:
Planisaziun locala parziala Crappa Grossa (intent realisar ovra d'energia cun lenn e gas)

Exposiziun planisaziun locala: Plan general da formaziun e plan da zonas 1:1000 Crappa Grossa

Documents d'orientaziun: Rapport da planisaziun e participaziun, Damonda da runcar, Rapport digl ambient

Temps d'exposiziun: 30 dis (naven dils 24-01-2020 entochen ils 24-02-2020)

Liug/temps d'exposiziun: Casa Cumin Glion, infrastructura, 3. alzada (duront il temps d'avertura)

Ura da consultaziun: Per damondas individualas en connex cun la planisaziun locala parziala sco era pertuccont l'ovra d'energia cun lenn e gas statan representants dalla vischnaunca, la planisadra sco era ils responsabels dil project a disposiziun venderdis, ils 7 da fevrer 2020, allas 18.00 – 20.00 uras (ei drova ina annunzia sut la nr. da telefon 081 920 15 66).

Duront il temps d'exposiziun san remarcas e giavischs vegnir inoltrai a scret alla suprastonza communala.


Glion, ils 24 da schaner 2020