Novitads

Ordinaziun da traffic, communicaziun ufficiala (Ilanz/Glion)

1. La suprastonza communala dad Ilanz/Glion ha l'intenziun d'introducir la suandonta restricziun da traffic sin il territori communal:

Entrada scumandada (sig. 2.02)
- Ilanz/Glion, marcau da Glion, Via da Scola, sectur parzial dil parcadi dalla scola professiunala e center da formaziun da lenn, en direcziun Via da Scola

Direcziun unica (sig. 4.08)
- Ilanz/Glion, marcau da Glion, Via da Scola, sectur parzial dil parcadi dalla scola professiunala e center da formaziun da lenn, en direcziun marcau vegl

2. La disposiziun dil departament dils 25 d'uost 1991 vegn abolida.

3. Cun quella mesira duei la signalisaziun dil parcadi vegnir adattada e la disposiziun digl onn 1991 abolida. Pli baul sesanflava en quei liug in local da pumpiers ch'ei el decuors vegnius spustaus en in auter liug. Sin fundament dalla situaziun da parcar e dil stretg vial eis ei buca pusseivel da cruschar. Per reglar il traffic duei vegnir signalisau a moda sempla ch'igl ei mo pusseivel da carrar en ina direcziun.

4. La restricziun da traffic planisada ei vegnida approbada ordavon dalla polizia cantunala sin basa digl art. 3 al. 3 e 4 dalla lescha davart il traffic sin via (LTV, SR 741.01), art. 7 al. 1 e 2 dalla lescha introductiva tier la lescha federala davart il traffic sin via (LItLTV, DG 870.100) ed art. 4 dall’ordinaziun tier la lescha introductiva tier la lescha federala davart il traffic sin via (ORtLItLTV, DG 870.110), e quei ils 16 da zercladur 2020.

5. Las objecziuns e las posiziuns en connex cull'ordinaziun da traffic planisada san vegnir inoltradas enteifer 30 gis dapi la publicaziun alla suprastonza communala Ilanz/Glion, Plazza Cumin 9, 7130 Glion. Suenter l'examinaziun dallas posiziuns inoltradas decida la vischnaunca e publichescha sia decisiun el fegl ufficial dil cantun, ensemen cun in'indicaziun dils mieds legals per far recuors alla dertgira administrativa.


Glion, ils 26 da zercladur 2020            Suprastanza communala Ilanz/Glion