Novitads

Ordinaziuns da traffic, communicaziun publica

1. La suprastonza communala dad Ilanz/Glion ha l'intenziun d'introducir la suandonta restricziun da traffic sin il territori communal:

Scamond per vehichels a motor, velos a motor e mopeds, signal nr. 2.14,
tabla supplementara: Survetsch da furniziun lubiu

Glion, Via Hans Erni, sill'altezia dalla spartida dalla Via da scola en direcziun dalla Via Rolf Maibach

Scamond per vehichels a motor, velos a motor e mopeds, signal nr. 2.14 e nr. 4.17,
tabla supplementara: Lubiu da carrar e parcar gliendisgis - vendergis, 17.00 - 07.00 uras
sco era sonda e dumengia

Glion, denter la Via Paradiesgärtli e la Via Hans Erni
(liug da signalisaziun vis-a-vis la halla da gimnastica)

Scamond per vehichels a motor, velos a motor e mopeds, signal nr. 2.14 e nr. 4.17,
tabla supplementara: Lubiu da carrar e parcar mo cun lubientscha da vischnaunca

Glion, denter la Via Hans Erni e la Via Paradiesgärtli
(liug da signalisaziun vis-a-vis la biblioteca)

Scamond per vehichels a motor, velos a motor e mopeds, signal nr. 2.14,
Glion, denter la Via Hans Erni e la Via Fontanivas el Paradieswäldli, sill'altezia dalla plazza da giugs

2. Quella mesira lubescha d'actualisar la signalisaziun actuala allas pretensiuns d'ozilgi. La disposiziun dalla polizia cantunala dils 10 da settember 2015 vegn abrogada en connex cun il scamond da parcar tier la scola / halla a Glion. La disposiziun dil departament dils 6 d'october 1987 vegn abrogada en connex cun ils scamonds da carrar sin la Via Fontanivas, Via Hans Erni e Via Schlifras.

3. La restricziun da traffic planisada ei vegnida approbada ordavon dalla polizia cantunala sin basa digl art. 3 al. 3 e 4 dalla lescha davart il traffic sin via (LTV, SR 741.01), art. 7 al. 1 e 2 dalla lescha introductiva tier la lescha federala davart il traffic sin via (LItLTV, DG 870.100) ed art. 4 dall'ordinaziun tier la lescha introductiva tier la lescha federala davart il traffic sin via (ORtLItLTV, DG 870.110), e quei ils 18 d'uost 2020.

4. Las objecziuns e las posiziuns en connex cull'ordinaziun da traffic planisada san vegnir inoltradas enteifer 30 gis dapi la publicaziun alla suprastonza communala Ilanz/Glion, Plazza Cumin 9, 7130 Glion. Suenter l'examinaziun dallas posiziuns inoltradas decida la vischnaunca e publichescha sia decisiun el fegl ufficial dil cantun, ensemen cun in'indicaziun dils mieds legals per far recuors alla dertgira administrativa.

Remplazza la publicaziun dils 20 da settember 2019.


Glion, ils 28 d'uost 2020               Suprastanza communala Ilanz/Glion