Novitads

Prolungaziun dalla zona da planisaziun

Ils 12 da fevrer 2018 ha la vischnaunca Ilanz/Glion relaschau ina zona da planisaziun per igl entir territori communal cun las suandontas finiamiras: "Examinar ina reducziun dalla zona da baghegiar ordeifer il territori surbaghegiau tenor las prescripziuns egl art. 15 al 2 LPT sco era el plan directiv cantunal pertuccont las surfatschas da reducziun potenzialas indicadas

- Surfatscha da reducziun potenzialas 1:2‘000, Castrisch
- Surfatscha da reducziun potenzialas 1:2‘000, Glion
- Surfatscha da reducziun potenzialas 1:2‘000, Luven
- Surfatscha da reducziun potenzialas 1:2‘000, Pitasch
- Surfatscha da reducziun potenzialas 1:2‘000, Riein / Duvin
- Surfatscha da reducziun potenzialas 1:2‘000, Rueun
- Surfatscha da reducziun potenzialas 1:2‘000, Ruschein / Ladir
- Surfatscha da reducziun potenzialas 1:2‘000, Schnaus / Schischiu
- Surfatscha da reducziun potenzialas 1:2‘000, Sevgein
- Surfatscha da reducziun potenzialas 1:2‘000, Siat / Pigniu."

Alla sesida dils 20 da schaner 2020 ha la suprastonza communala Ilanz/Glion decidiu da prolunghir la zona da planisaziun cun il cuntegn sura numnaus, sebasond sin art. 21 al 3 LPTGR, per dus onns e quei entochen ils 12 da fevrer 2022. Il departement d'economia e fatgs socials ha concediu la prolungaziun dalla zona da planisaziun cun la disposiziun dils 10 da fevrer 2020.
La prolungaziun dalla zona da planisaziun sa vegnir constada enteifer 30 dis dapi la communicaziun publica cun protesta da planisaziun tier la regenza (art. 101 LPTGR).


Glion, ils 14 da fevrer 2020            Suprastonza communala Ilanz/Glion