Novitads

Propostas per l'emprema surdada dil «Premi REUNIUN»

Cun il «Premi REUNIUN» che vegn surdaus il 2020 l'emprema gada vul la suprastonza communala premiar lavur excepziunala voluntaria ni d'uniuns ella vischnaunca dad Ilanz/Glion ed aschia promover la schientscha per la lavur voluntaria. Igl appel va alla populaziun d'inoltrar propostas per activitads survargontas el senn da projects, survetschs, engaschaments sur la media per la societad ni prestaziuns structuralas, organisatoricas els secturs cultura, sport, fatgs socials, giuventetgna, formaziun, sanadad, natira, ambient ni temps liber. Igl ei pusseivel da proponer uniuns ni gruppaziuns communizeivlas cun sedia ella vischnaunca dad Ilanz/Glion. Il «Premi REUNIUN» ei dotaus cun frs. 2'000.00.

Propostas ein d'inoltrar entochen vendergis, ils 12 da zercladur 2020, per e-mail ad infoilanz-glionch ni per posta all'administraziun communala Ilanz/Glion, cun ina cuorta motivaziun.

Per l'emprema surdada dil «Premi REUNIUN» vegn organisau in'occurrenza tard la stad. Ulteriurs detagls davart las festivitads suondan.


Glion, ils 22 da matg 2020            Suprastonza communala Ilanz/Glion