Novitads

Relasch zonas temporaras da ruaus per selvaschina

La direcziun dalla vischnaunca dad Ilanz/Glion ha decidiu a caschun dalla seduta dils 10 da fevrer 2020 da relaschar duas zonas temporaras da ruaus per selvaschina.

1. Zona temporara da ruaus a Schnaus/Tischinas (Haulta – Acla- Mun)

Naven dils 15 da fevrer entochen ils 31 da mars 2020 vala in scamond general da carrar e passar en quei territiori. Quei scamond vala buca per persunas ufficialas, per lavurs forestalas sco per lavurs agricolas indicadas. Ils tgauns ston vegnir menai vid la corda. La senda atras la zona astga vegnir duvrada naven dallas 08.00 entochen las 18.00.

2. Zona temporara da ruaus a Sitgets – Salens (scamond da notg)

Naven dils 15 da fevrer entochen ils 31 da mars 2020 vala in scamond general da carrar e passar en quei territori duront la notg naven dallas 19.00 entochen las 07.00. Quei scamond vala buca per persunas ufficialas che exequeschan lur lavur.


Vischnaunca Ilanz/Glion