Novitads

Renovaziun da la rait da vias champestras Ruschein: Exposiziun publica da las midadas dal project d'exposiziun

Sa basond sin l'art. 38 da la Lescha da meglieraziun dal chantun Grischun (LMG; DG 915.100) e sin l'art. 97 da la Lescha federala d'agricultura (LAgr; CS 910.1) vegnan las actas qua sutvart exponidas publicamain.

Actas d'exposiziun:
rapport tecnicplan nr. 965-2-20.1, sanaziun da las vias champestras Ruschein, midada dal project d'exposiziun, via champestra nr. 20, plan dal project 1:2000plan nr. 965-2-20.2, sanaziun da las vias champestras Ruschein, midada dal project d'exposiziun, via champestra nr. 20, profils normals 1:50

Lieu d'exposiziun:
Vischnanca dad Ilanz/Glion, uffizi da construcziun, Plazza Cumin 9, 7130 Glion

Durada da l'exposiziun:
da venderdi, ils 24 da schaner, fin glindesdi, ils 24 da favrer 2020, durant las uras da spurtegl usitadas

Legitimaziun da far protesta:
La legitimaziun da far protesta han quellas persunas ch'èn tangadas da las actas d'exposiziun e che pon far valair in interess degn da vegnir protegì per abolir u per midar las actas; plinavant er la vischnanca pertutgada e las organisaziuns naziunalas per la protecziun da l'ambient, uschenavant ch'ellas han er il dretg da far recurs da dretg administrativ tar il Tribunal federal.

Protestas:
Protestas cunter las actas d'exposiziun ston vegnir inoltradas en scrit fin il pli tard glindesdi, ils 24 da favrer 2020 (bul postal), al Departament d'economia publica e fatgs socials, Reichsgasse 35, 7000 Cuira.

Uffizi d'agricultura e da geoinfurmaziun
Daniel Buschauer