Novitads

Partenza el niev onn da scola -> poly.kids

Il tierz onn da scola organisein nus la purschida da sport poly.kids per affons che han plascher dil moviment. Plidentai ein scolaras e scolars dalla 5avla e 6avla classa dall’entira Surselva. El centrum stat in program da sport fundau e vast sco cumpletaziun dallas lecziuns da sport duront l’instrucziun da scola ni dallas uniuns. poly.kids sviluppescha il moviment a moda varionta e promova sistematicamein il sport multifar per affons.

Cu e nua?
Ils cuors entscheivan gliendisdis, ils 2 da settember 2019

Glion: mintgamai il gliendisdis e la gievgia dallas 16.30 – 18.00
Trun: mintgamai il gliendisdis dallas 16.30 – 18.00 (tenor disponibladad dalla halla da gimnastica) 
Trin: mintgamai il mardis dallas 16.30 – 18.00

L’annunzia ei pusseivla mintgamai sin l’entschatta dil semester. In singul semester (ca. 18 unitads da trenament à 90 minutas) cuosta 90.00 frs. per affon, omisdus semesters ensemen cuostan 160.00 frs.

Annunzia
Il formular d’annunzia anflan ins sin la pagina www.ts-surselva.ch. Per damondas e sclariments stat il secretariat dalla scola Ilanz/Glion bugen a disposiziun (tel. 081 925 28 29 ni schuleilanz-glionch).


Scola Ilanz/Glion