Novitads

Structuras dil di "enicapeni"

Egl onn da scola 2020/21 eis ei previu da porscher la survigilonza supplementara a Glion vinavon mintga di da scola.

Affons ord ils vitgs da nossa vischnaunca san medemamein far diever dallas structuras dil di (meisa da miezdi e survigilonza dil suentermiezdi) a Glion. Per il transport dils affons ein ils geniturs responsabels.

Ils formulars d'annunzia corrispundents retscheivan ils geniturs ensemen culs uraris aunc avon la finiziun da scola. Annunzias ligiontas valan da niev mintgamai per in quintal (da vacanzas a vacanzas). Il reglament da menaschi adattau cun las taxas ei d'anflar sin nossa pagina d'internet (www.scola-glion.ch) sut la rubrica "purschidas".

Matg 2020, la direcziun da scola Ilanz/Glion