Novitads

Ordinaziuns da traffic, communicaziun publica

1. La suprastonza communala dad Ilanz/Glion ha l'intenziun d'introducir la suandonta restricziun da traffic sin il territori communal:

Scamond per vehichels a motor, velos a motor e mopeds, signal nr. 2.14, tabla supplementara: Excepziun economia forestala, viadis cun maschinas agricolas sco era cun lubientscha dalla vischnaunca, sin la via d'alp a Pitasch en direcziun Plauns/Signina naven dalla spartida dil punct 1077 e sin la via d'alp a Pitasch direcziun Prau da Puoz naven dalla spartida dil punct 7187.

2. Quella mesira duei possibilitar il sviament dil vitg per il traffic e furniturs.

3. La restricziun da traffic planisada ei vegnida approbada ordavon dalla polizia cantunala sin basa digl art. 7 al. 1 e 2 LItLTV, e quei ils 18 da december 2018.

4.
Las objecziuns e las posiziuns en connex cun l'ordinaziun da traffic planisada san vegnir inoltradas enteifer 30 dis dapi la publicaziun alla suprastonza communala Ilanz/Glion, Plazza Cumin 9, 7130 Glion. Suenter l'examinaziun dallas posiziuns inoltradas decida la vischnaunca e publichescha sia decisiun en il fegl ufficial dil cantun, ensemen cun ina indicaziun dils mieds legals per far recuors alla dertgira administrativa.


Glion, ils 11 da schaner 2019            Suprastanza communala Ilanz/Glion