Novitads

Vischnaunca Ilanz/Glion: Exposiziun da recuors planisaziun locala (cun exposiziun damonda da runcar)

Applicond igl art. 48 al. 4 dalla lescha davart la planisaziun dil territori per il cantun Grischun (LPTGR) ed art. 5 dalla lescha cantunala davart igl uaul (LCU) ha liug in'exposiziun da recuors partenent la revisiun parziala dalla planisaziun locala concludida alla votaziun all'urna dils 27 da settember 2020. Duront il medem temps vegn publicau la damonda da runcar corrispundenta.

Object:
Revisiun parziala dalla planisaziun locala
Zona da mistregn, Crappa Grossa, Glion

Exposiziun planisaziun locala:
Plan da zonas e plan general da formaziun 1:1'000 Crappa Grossa

Documents d'orientaziun:
Rapport da planisaziun e participaziun
Rapport digl ambient

Documents damonda da runcar:
Extract carta topografica 1:25'000
Plan da runcar 1:7'500
Plan mesiras da cumpensaziun
Formular damonda da runcar

Cuoz d'exposiziun:
30 dis (naven dils 09-10-2020 entochen ils 09-11-2020)

Liug/temps d'exposiziun:
Casa Cumin Glion, infrastructura, 3. alzada (08.30 entochen 11.30 e 13.30 entochen 17.00)

Recuors da planisaziun:
Persunas cun in agen interess ad ina contestaziun dalla planisaziun ni ch'ein legitimai tenor dretg federal san inoltrar enteifer 30 gis dapi il termin da publicaziun hodiern alla regenza in recuors da planisaziun encunter la planisaziun locala e/ni encunter la damonda da runcar.

Organisaziuns d'ambient:
Organisaziuns d'ambient san far diever da lur dretg da recuors tenor art. 104 al. 2 LPTGR, q.v.g. ellas s'annunzian enteifer il temps da recuors tier igl uffeci per il svilup dil territori (UST) ed inoltreschan silsuenter eventualmein ina posiziun.


Glion, ils 09-10-2020                Suprastonza communala Ilanz/Glion