Novitads

Ordinaziuns da traffic, communicaziun publica

1) La suprastonza communala dad Ilanz/Glion ha l'intenziun d'introducir la suandonta restricziun da traffic sin il territori communal:

Scamond per vehichels a motor, velos a motor e mopeds, signal nr. 2.14, tabla supplementara: Cun excepziun dil forestalesser, da viadis cun maschinas agricolas e cun lubientscha dalla vischnaunca.

- Schnaus, via da funs Strada Curtgin, coordinatas: 2'733'433, 1'181'939, en direcziun sid
- Schnaus, via da funs Sur Gassa, coordinatas: 2'732'962, 1'181'875, tochen igl implont da glera Val Mulin, coordinatas: 2'732'426, 1'181'776
- Schnaus, via d'uaul da Mulin Sut en direcziun Uaul da Schnaus, coordinatas: 2'732'664, 1'182'365
- Rueun, spartgida naven da V723.26 Via da Pigniu en direcziun Ils Plauns, coordinatas: 2'728'907, 1'183'413
- Pigniu, via da funs da Stavel en direcziun Sut Val Aulta, coordinatas: 2'728'290, 1'185'500
- Pigniu, via da funs dalla via Plauns en direcziun Vinadi, coordinatas: 2'728'046, 1'185'563
- Pigniu, via d'uaul Cuolm Sura en direcziun Cuolm Dadens, coordinatas: 2'727'752, 1'186'477, tochen il cunfin communal tier il Schmuèr, coordinatas: 2'727'563, 1'186'624

Scamond per vehichels a motor, velos a motor e mopeds, signal nr. 2.14, tabla supplementara: Excepiu traffic agricol e forestal

- Pigniu, via d'uaul dalla via Sur Vischnaunca en direcziun Cuolm Mulin, coordinatas: 2'727'849, 1'186'129
- Pigniu, via d'uaul da Cuolm Sura en direcziun Acla Davon, coordinatas: 2'727'757, 1'186'475

Scamond per vehichels a motor, velos a motor e mopeds, signal nr. 2.14, tabla supplementara: habitonts e visitaders lubiu

- Schnaus, via d'uaul da Mulin Sut tochen Uaul da Mulin, coordinatas: 2'732'652, 1'182'346

2) Quella mesira duei evitar ch'ei vegni carrau nunnecessariamein sin las vias da funs.

3) La restricziun da traffic planisada ei vegnida approbada ordavon dalla polizia cantunala sin basa digl art. 3 al. 3 e 4 dalla lescha davart il traffic sin via (LTV, SR 741.01), art. 7 al. 1 e 2 dalla lescha introductiva tier la lescha federala davart il traffic sin via (LItLTV, DG 870.100) ed art. 4 dall'ordinaziun tier la lescha introductiva tier la lescha federala davart il traffic sin via (ORtLItLTV, DG 870.110), e quei ils 30 da fenadur 2019.

4) Las objecziuns e las posiziuns en connex cull'ordinaziun da traffic planisada san vegnir inoltradas enteifer 30 gis dapi la publicaziun alla suprastonza communala Ilanz/Glion, Plazza Cumin 9, 7130 Glion. Suenter l'examinaziun dallas posiziuns inoltradas decida la vischnaunca e publichescha sia decisiun el fegl ufficial dil cantun, ensemen cun in'indicaziun dils mieds legals per far recuors alla dertgira administrativa.

Glion, ils 4 d'october 2019                            Suprastonza communala Ilanz/Glion