Novitads

Scola Ilanz/Glion: Annunzia per la scoletta e l’emprema classa primara

Las preparativas per igl onn da scola vegnent han gia entschiet. Affons dall’annada 2015 (e 2014 per annunzias novas) han naven digl onn da scola 2020/21 il dretg da frequentar la scoletta. Muort il grond diember dallas annadas a Glion basegna la scola per il proxim onn da scola l’annunzia definitiva gia uss.

Bugen prendein nus era encunter las annunzias per la scola primara el liug d’instrucziun Glion. Ils geniturs cun affons da Glion e Schnaus/Strada dall’annada 2013 san sedecider per la scolarisaziun en la partiziun tudestga ni en la scola bilingua. Las famiglias pertuccadas retscheivan la documentaziun per posta.

Nus supplichein ils geniturs d’annunziar lur affon(s) entochen venderdis, 13 da december 2019 a suandonta adressa:
Scola Ilanz/Glion, Paradiesgärtli 9, 7130 Glion, tel. 081 925 28 29, schuleilanz-glionch