Novitads

refo500 Guids el marcau vegl da Glion

Ils guids da mira!cultura ein sefatschentai intensivamein cul tema reformaziun el cantun Grischun e spezialmein cun la reformaziun el marcau da Glion. Ussa porschan els ils suandonts guids per gruppas e classas da scola.

Las turas cuozzan rodund 90 minutas e cuostan 150.00 francs per ina gruppa da maximal 24 persunas. Bugen pren il Museum Regiunal Surselva encunter Vossa preannunzia per formular ni per telefon 081 925 41 81.

Loghens e fastitgs dalla reformaziun

Impurtonts muments en la historia dalla reformaziun el Grischun ein schabegiai a Glion. El marcau vegl, il "Städtli", encurin nus suenter fastitgs e loghens da carplina. Dado ils mirs intervegnin nus co la convivenza denter las confessiuns dil tschentaner seformaven.

Cun Alex Schaub ni Marco Curti.

Il salit dall'olma e la reformaziun

Ils carstgauns dil temps medieval fagevan quitaus per il salit da lur olma. Sch'ei deva en in vitg negin plevon e negin che deva penetienzia ni administrava ils sacraments dils moribunds, sederasava malsegirezia. Ella baselgia da S. Margreta cun sia tuor medievala scuvrin nus il ciclus dalla veta e mort. Nus intervegnin tgi che Johannes Comander e Stefan Gabriel eran e tgei ch'ei muntava d'esser vid il bran.

La viseta guidada ei destinada specialmein per classas da scola e giuvenils.

Cun la plevonessa Maria Wüthrich.

Discutar la baselgia

El center da quella viseta guidada stattan las tesas da disputaziun da Johannes Comander (1526) e lur consequenzas per l'Europa.

Cun il plevon dr. Jan-Andrea Bernhard.