Novitads

Occurrenzas davart la Refo500

Igl onn 1517 ha Martin Luther pendiu sias 95 tesas encunter il maldiever dil perdun vid la porta-baselgia dil casti da Wittenberg. La publicaziun da quellas tesas ei stada l'entschatta dalla Reformaziun ell'Europa. Per quei motiv seregord'ins en dapli che 80 marcaus da Reformaziun dils schabetgs dalla Reformaziun, fagend endamen alla muntada locala. Era Glion astga far part dalla reit dils marcaus da Reformaziun europeics. A Glion, el marcau principal dalla Republica dallas Treis Ligias, daventaus pli tard il cantun Grischun, ha giu liug il schaner 1526 ina disputaziun decisiva denter Johannes Comander ed igl avat Theodul Schlegel. Cheu ha il "Bundstag" - ils onns 1523-1526 - era priu differentas decisiuns che han contribuiu essenzialmein all'introducziun dalla Reformaziun ellas Treis Ligias, e che han instituiu in stat che seprestava duas confessiuns.

El "Marcauet da Reformaziun" Glion han liug el decuors dil 2017 tochen il 2019 differentas occurrenzas el rom dallas festivitads da Reformaziun, allas qualas nus envidein cordialmein.

Exposiziun speciala "Kreuz oder Hahn – Da messa ni da priedi" a Glion

Mardis, ils 20 da zercladur – mardis, ils 31 da mars 2018

La nova exposiziun, ch'il Museum Regiunal Surselva ha preparau naven dils 20 da zercladur 2017, tracta ils schabetgs dil temps dalla Reformaziun e la convivenza dallas confessiuns. Il museum muossa cun respect e cuorturiala aspects da quella liunga historia.


Uras d'avertura ed ultieruras informaziuns davart l'exposiziun speciala

Historia(s) dalla Reformaziun - guidas da cultura atras il marcau vegl

Las guidas che vegnan organisadas dil Museum Regiunal Surselva dattan in’ulteriura envesta el temps dalla Reformaziun dallas Treis Ligias. Duront quellas guidas intervegnan ils participonts, daco ch’il marcauet da Glion astga senumnar ils proxims onns Marcau european dalla Reformaziun e tgei eveniments ch’ein succedi avon 500 onns.

Annunzia ed ulteriuras informaziuns davart las guidas da cultura dalla Reformaziun