Novitads

Informaziuns davart il reglament da parcar sigl intschess dil marcau da Glion

El fegl ufficial dil cantun dils 3 da december 2015 ein vegnidas publicadas las restricziuns da traffic en connex cun il niev reglament da parcar sigl intschess dil marcau da Glion. La zona cun scamond da parcar e la nova regulaziun pertuccont las cartas da parcar (vignettas) sigl intschess dil marcau da Glion ein entradas en vigur igl 1. da fenadur 2016.

Las cartas da parcar actualas san vegnir retratgas tier la controlla da habitonts ella Casa Cumin a Glion (2. alzada).

Ei dat ei treis variantas da cartas da parcar:

Vignetta 1:
Las habitontas ed ils habitonts da Glion senza agen parcadi sin terren privat san retrer la vignetta 1 sco lubientscha meinsila ni annuala.

Informaziuns vignetta 1

Pusseivladads da parcarar vignetta 1

Prezis:
Lubientscha meinsila:  CHF   70.00
Lubientscha annuala:  CHF  700.00


Vignetta 2:
Surtut las persunas d'ordeifer senza parcadi al plaz da lavur san retrer la vignetta 2 sco lubientscha meinsila ni annuala (parcadis periferics).

Informaziuns vignetta 2

Pusseivladads da parcarar vignetta 2

Prezis:
Lubientscha meinsila:  CHF   30.00
Lubientscha annuala:  CHF  300.00


Vignetta 3:
Surtut las persunas d'ordeifer senza parcadi al plaz da lavur san retrer la vignetta 3 sco lubientscha meinsila ni annuala (valeivla mo dallas 7.00 – 24.00 sin plaz fiera).

Informaziuns vignetta 3

Pusseivladads da parcarar vignetta 3


Prezis:

Lubientscha meinsila:  CHF   50.00
Lubientscha annuala:  CHF  500.00