Novitads

Lubientschas per lottarias

Entras la refuorma dil territori ein differentas scharschas vegnidas surdadas dils cumins allas vischnauncas. Aschia per exempel era las lubientschas per lottarias da divertiment. Dapi l'entschatta da quei onn ei la direcziun dalla vischnaunca Ilanz/Glion responsabla per las lubientschas dallas schinumnadas lottarias da divertiment. Sco lottarias da divertiment valan tombolas e lottos che vegnan exequi a caschun d'occurrenzas da divertiment e che han buca per mira d'urentar eventuals gudogns cun daners en bar. Cun ina lottaria da divertiment han ils organisaturs adina era la finamira da duvrar il gudogn dalla lottaria per la finanziaziun dall'occurrenza.

Auter ei quei tier lottarias da scopo, pia lottarias che vegnan organisadas per rimnar daners per in intent communizeivel. Lubientschas per talas lottarias ston vegnir dumandas era vinavon tier igl Uffeci cantunal per migraziun e dretg civil a Cuera.

 

FORMULARS DA DAMONDA: