Novitads

Casa Sentupada Siat

Center da vacanzas e scolaziun

Il center da vacanzas e scolaziun a Siat schai silla vart sulegliva dalla Surselva (Val dil Rein Anteriur) sur Rueun datier da Glion, igl emprem marcau al Rein. Ina bellezia survesta sin la muntogna e pezza circumdonta, atgna aua da fontauna cun bia mineralias e pauca caltschina e bia bialas sendas da viandar e vias da mountainbike (Senda Sursilvana) spetgan sin Vus. Siat ei sin 1'319 meters sur mar. A Siat, in tipic vitg muntagnard grischun, ha ei ina stizun dil vitg, ina posta ed in'ustria. Siat contonsch'ins cumadeivel cugl auto da posta naven da Glion. Plinavon ei Siat circumdaus da numerus loghens turistics da skis, per exempel Flem, Laax, Sursaissa, Breil, Val, Mustér e Sedrun.

Activitads

El contuorn dalla Casa Sentupada sesanfla:

  • Curtgin da reiver
  • Plaz da giugs
  • Plaz da ballapei
  • Plaz da grillar (incl. tualetta ed aua el liug)
  • Stizun dil vitg cun integrau posta
  • Ustria
  • Biala regiun da viandar (Senda Sursilvana)


Ulteriuras activitads:

  • Golf
  • Rafting sil Rein (20 km Glion - Reichenau)
  • Turas da canyon
  • Sgols cun helicopter
  • Trekking cun gianellas
  • ed aunc bia auter!


Silla pagina www.fs-swissraft.ch anfleis Vus ulteriuras informaziuns dalla scola da sgular Swissfly per parasgular e sgular cun delta ella regiun.