Novitads

Casa Sentupada Siat

Infrastructura center da vacanzas e scolaziun

Igl entir stabiliment ei en in stadi renovau ed igl entir areal ei drizzaus en tenor ils basegns da persunas cun impediments. Da tut las stanzas han ins ina bellezia survesta sin las muntognas e la natira. Tier la renovaziun ei vegniu mess bia peisa sin ina buna atmosfera, sin il beinstar, sin la qualitad e la lucrativitad, tgei ch'ils hosps vegnan segir ad appreziar. Ina halla da gimnastica sa sin giavisch vegnir affittada vitier per occurrenzas da sport ni cultura. La stad stat ina gronda terrassa ora en il liber a Vossa disposiziun. 

Las stanzas da scolaziun ein claras, drizzadas en modernas cun access per computers, tablas da preit, projectader, beamer, tenda moblia e porscha aschia per scolas, fatschentas, uniuns eav. las meglieras pusseivladads d'emprender, da planisar e da scolaziun. 

Infrastructura plaun sura

El plaun sura dil center da vacanzas e scolaziun sesanfla: 

  • Corridor
  • Gardaroba e deposit da calzers
  • Cuschina, stanza da magliar e local da cuminonza
  • Tualetta da dunnas ed umens
  • Duschas dunnas ed umens
  • Stanza da durmir 1 per 12 persunas
  • Stanza da durmir 2 per 6 persunas
  • Stanza da durmir 3 per 8 persunas

Infrastructura 1. alzada

Ella 1. alzada dil center da vacanzas e scolaziuns sesanfla: 

  • Corridor
  • Stanza da scolaziun 1
  • Stanza da scolaziun 2
  • Stanza da habitar e durmir per 4 persunas (menaders)
  • Stanza per uniuns / musica / sesidas communalas
  • Tualetta da dunnas ed umens

Ulteriur endrizzament

  • Stanza da sesida cun in clavazin
  • Mensa cun cuschina per ca. 36 persunas
  • Endrizzament da cuschina:
    - Platta da cuschinar cun fuorn
    - Maschina da lavar giu
    - Frestgera e schelentera
    - Vischala, fuorn da raclette e set da fondue
  • Autoprovediment (ensolver sin damonda)
  • Televisiun e DVD-player, stereo
  • WLAN sin damonda
  • Halla da gimnastica cun preit da reiver (sin damonda)
  • Pingpong e plaz da giugs
  • Parcadis avon la casa (denter Nadal e Daniev era parcadis sur il vitg)