Novitads
Furniziuns a casa en Surselva

Dapi ils 16 da mars 2020 ei era en Surselva la veta da mintgadi stada eri. Quei ha immensas consequenzas per il commerci da detagl e la gastronomia. Denton han numerusas fatschentas en Surselva extendiu immediat lur purschidas sin furniziuns a casa, retratgas ord scaffas da brevs ni creau in commerci online ed ina spediziun postala. Biars offerents miran da furnir il medem gi e per ordinari gratuitamein. Nus appellein a tuts da semussar solidarics cun nies commerci e da profitar da nos partenaris locals cun lur purschidas innovativas en quella situaziun speciala. Cun Vies sustegn sa nies commerci surviver quella crisa!

Tuttas purschidas dil commerci e dalla gastronomia en Surselva en fuorma da carta anfleis Vus sut http://www.surselva.shop respectiv www.grhome.ch.