Novitads

Informaziuns dalla vischnaunca Ilanz/Glion

Naven dils 18 da schaner 2021 vala en l'entira Svizra

COVID-19 Taskforce Surselva – concepts da schurmetg

Arisguard la sesiun d'unviern vegnenta han il cussegl federal e la regenza cantunala prescret ulteriuras mesiras. Per l'elaboraziun da concepts da schurmetg per infrastructuras communalas han las vischnauncas da Breil/Brigels, Ilanz/Glion, Lumnezia e Sursaissa Mundaun fundau ina taskforce ensemen cun la Surselva Turissem SA. Quella ei plinavon responsabla per la coordinaziun ed il brat denter las vischnauncas e la destinaziun turistica e tgira era la communicaziun anoraviars. Aschia sa vegnir garantiu ina realisaziun e controlla unificada dils concepts da schurmetg. Las pretensiuns als concepts da schurmetg e las controllas ein vegnidas augmentadas. Risguardei per plascher che la situaziun epidemiologica sa spert puspei semidar resp. las mesiras san puspei vegnir accentuadas. S'informei regularmein davart actualisaziuns ed adattei corrispundentamein Vies concept da schurmetg.

Concept da schurmetg dalla vischnaunca Ilanz/Glion

Concepts da schurmetg

Concepts da schurmetg ein per gronda part gia vegni elaborai d'associaziuns ni ulteriuras organisaziuns per branschas ni geners da sport. Nus supplichein las fatschentas da risguardar las directivas da lur associaziun e da nezegiar quels concepts da schurmetg. Eventualmein sto in agen concept da schurmetg vegnir elaboraus. Ulteriuras informaziuns ein d'anflar sut https://backtowork.easygov.swiss. Uniuns sportivas san per part far diever dils concepts da muster da Swiss Olympic (www.swissolympic.ch). Per il diever da stabiliments e localitads dalla vischnaunca sto vegnir presentau alla vischnaunca Ilanz/Glion in concept da schurmetg corrispundent.

Diever da localitads ed indrezs dalla vischnaunca

Per il diever da localitads ed indrezs dalla vischnaunca ston las prescripziuns dalla confederaziun, dil cantun e dalla vischnaunca exnum vegnir risguardadas. Las stipulaziuns el concept da schurmetg da COVID-19 per il diever da localitads ed indrezs dalla vischnaunca Ilanz/Glion ston vegnir risguardadas.

Tier damonadas contactei la vischnaunca, via telefon 081 920 15 15 ni per e-mail sin infoilanz-glionch.