Novitads

Deposit ad "Isla", Rueun

La vischnaunca dad Ilanz/Glion posseda ad "Isla" ella fracziun da Rueun (dalla vart dretga dil Rein) in deposit che sa vegnir prius per tscheins.

Detagls dil deposit

  • Grondezia dil deposit ca. 1'500 m2
  • Maximalmein 100 persunas astgan far diever dil deposit
  • Dalla surdada ei il terren numnau segaus resp. raccoltaus
  • Ins astga far diever dallas fueinas existentas
  • L'aua san ins retrer directamein dalla fontauna
  • Igl ei pusseivel da baghegiar ina latrina
  • Igl ei lubiu da cavar foss da drenar sin il terren numnau
  • Ins astga buca procurar sez per lenna da brisch. Contactei ad uras la resgia Martin Schnoz, 7156 Rueun, telefon 081 925 11 48.
  • En cass da malaura stattan a disposiziun ils quatiers d'urgenza dalla vischnaunca
  • Ins astga buca passar els praus cunfinonts
  • Igl ei buca lubiu da far diever dalla plazza da ballapei
  • Material e bagascha sto vegnir transportau naven dalla staziun dil tren al deposit ed anavos cun transporters pigns dalla direcziun dil deposit
  • Pervia dil prighel d'inundaziun duessen tendas buca vegnir baghegiadas si sper la riva dil Rein
  • Vehichels han access al deposit sulettamein per transports
  • Per igl entir territori vala in scamond da transit e da parcar
  • La vischnaunca dad Ilanz/Glion surpren negina responsabladad per accidents

Impressiuns

Purschidas

  • Bogn aviert a Glion (5 km)
  • Bogn cuvretg a Laax (9 km)
  • Curtgin da reiver a Siat (sur Rueun, 3 km)
  • Bialas sendas da viagiar

Cuosts

Ils tscheins importan CHF 200.00 per jamna

Contact

Vischnaunca Ilanz/Glion, Plazza Cumin 9, 7130 Glion
telefon 081 920 15 15, e-mail infoilanz-glionch