Novitads

Cinema sil Plaz

La cultura pulsescha dapi la stad 2010 el cor dalla Surselva: il Cinema sil Plaz a Glion ei in kino, nua ch'ei vegn buca mo magliau popcorn e consumau films.

Il Club da film Glion ha enrihiu la regiun cun ina plattaforma contemporana per films, concerts, art pign e litteratura. Da films d'avantgarda tochen a blockbusters, artists indigens, emigrai e jasters - il program tscherniu puprogna ils differents gusts.

Mo era il local fa impressiun. La fravgia veglia el center dil marcau posseda suenter ina reconstrucziun ina bar, ina tribuna da concerts ed ina stanza da kino. Il caracter dalla fravgia ei denton restaus. La stanza da kino han ils commembers dil Club da film priu a mauns sezs. Ensemen cun in specialist da construcziuns d'arschella han els creau ina stanza singulara cun preits d'arschella battida che procuran per in'atmosfera tut speciala. Il concept da reconstrucziun ha survegniu il Premi federal d'art ella categoria architectura.  

Il Cinema sil Plaz sesanfla en in liug central denter la Banca Cantunala Grischuna e la baselgia catolica a Glion ella part davos dalla casa Vieli. Davontier ei il Caffé sil Plaz.

Il program dil meins veseis Vus cheu.

Contact

Cinema sil Plaz
Via Centrala 2
7130 Glion
tel. 081 544 56 59
infocinemasilplazch
www.cinemasilplaz.ch