Novitads
Il marcau da Glion raquenta – guids publics inscenai tras il marcau vegl da Glion

Regularmein organisescha Anna Catrina SA guids inscenai tras il marcau vegl da Glion. A caschun d'in guid inscenau tras il marcau vegl da Glion veseis Vus co la glieud viveva e luvrava da lezzas uras egl emprem marcau sper il Rein ed udis historias interessantas dall'epoca da gliez temps. Dus acturs meinen a moda simpatica tras il marcau vegl da Glion e presentan duront la viseta guidada differentas figuras dalla historia dil marcau.

Intervegni dapli dils guids inscenai tras il marcau vegl da Glion, dapli d'Anna Catrina SA, sias occurrenzas e historia.
www.annacatrina.ch


«mira!cultura Ortsführungen»

Cheu ha liug cultura!
a Vrin, Lumbrein, Surcasti, Vella, Pleif, Sursaissa Mundaun, Glion, Waltensburg/Vuorz, Breil/Brigels, Trun


Ils vitgs dalla Surselva ed il marcau da Glion han ina historia interessanta che tonscha tochen lunsch anavos el temps medieval. Aunc oz anflan ins denter ils baghetgs e l’infrastructura moderna fastitgs da quei temps. Bia da quei ei misterius e leventa las marveglias da vuler entelgir dapli sur da sia patria e siu liug da vacanzas. In versau team da guids da cultura arva a turists ed indigens ina finiastra el vargau ed illustrescha il mintgadi actual.

Las turas da mira!cultura san era vegnir reservadas individualmein. Bugen pren il Museum Regiunal Surselva encunter Vossa preannunzia per formular ni per telefon 081 925 41 81.

«mira!cultura Ortsführungen» han era liug el program da hosps da Surselva Tourismus.
Ina surversta anfleis vus cheu.

Intervegni dapli da «mira!cultura Ortsführungen», dapli dil Museum Regiunal Surselva, sias occurrenzas e historia.
www.museumregiunal.ch