Novitads
GUIDS INSCENAI TRAS IL MARCAU VEGL DA GLION CUN DUS ACTURS

Il marcau raquenta...
Sfundrai el vargau da nies pign marcauet spel Rein. Vus vegnis a smarvegliar tgei historias ch'il marcau ha da raquintar a Vus...
Regularmein organisescha l'Anna Catrina SA guids inscenai tras il marcau vegl da Glion. Ils datums vesis Vus giusut. Dus acturs meinan a moda simpatica tras il marcau vegl da Glion e presentan duront la viseta guidada differentas figuras dalla historia dil marcau.

DATUMS ONN 2020:
Sonda, ils 11 d'avrel 2020 - 14:00
Sonda, ils 9 da matg 2020 - 14:00
Sonda, ils 6 da zercladur 2020 - 14:00
Sonda, ils 4 da fenadur 2020 - 14:00
Sonda, ils 8 d'uost 2020 - 14:00
Sonda, ils 5 da settember 2020 - 14:00
Sonda, ils 10 d'october 2020 - 14:00

Cuoz: ca. 75 minuatas
Sentupada: avon il Museum Regiunal Surselva
Cuosts: CHF 20.00 per persuna / affons tochen 16 onns CHF 10.00
Realisaziun: da tutt'aura
Annunzia per il guid: ei drova negina annunzia

VULEIS VUS FAR INA SURPRESA A VOSSA FATSCHENTA, VOSS'UNIUN NI ENRAMAR VOSS'OCCURRENZA PRIVATA CUN IN GUID INSCENAU TRAS IL MARCAU VEGL DA GLION?

Reservai in guid cun in actur ni in'actura per in termin tenor Vies giavisch.
Sin damonda organisescha l'Anna Catrina SA bugen naven digl avrel entochen il november Vies guid inscenau persunal tras il marcau vegl da Glion – in perfect program per gruppas, fatschentas sco era per uniuns. Suenter il guid reservein nus bugen per Vus in aperitiv el Museum Regiunal Surselva.

Sentupada: tenor cunvegnientscha
Cuosts: CHF 100.00 prezi da basa
               + CHF 10.00 per carschi
               + CHF 5.00 per affons

                Acziunaris Anna Catrina SA: 20% rabat

Annunzia: per plascher emplenir ora il formular

Responsabels per ils guids inscenai:

Concept/text/reschia: Roman Weishaupt
Giug (en formaziun alternonta): Romana Brunold, Veronica Cathomen, David Flepp


Vegni a saver dapli dall'Anna Catrina SA, ses events e la historia.
www.annacatrina.ch