Novitads
mira!cultura per affons: "Memory-Tour" el marcau vegl da Glion

Liug da sentupada ed annunzia
Liug da sentupada ei avon il Museum Regiunal Surselva. Tier ina reservaziun ad uras vegn sespruau da risguardar Vies termin preferiu. Bugen pren il Museum Regiunal Surselva encunter Vossa preannunzia per formular ni per telefon 081 925 41 81.

"Memory-Tour" el marcau vegl da Glion
Ina purschida speciala dil team da mira!cultura per classas da scola dalla 4. entochen 6. classa e camps da vacanzas. Sin la "Memory-Tour" emprendan las scolaras ed ils scolars d'enconuscher il marcau vegl da Glion, numnaus "Städtli". Il viadi atras las gassas ei in giug da geografia e las casas historicas il giug da memory. Quell'exploraziun en gruppas lai veser e sentir ils scolars activ e direct quei bi marcau vegl.

Menada vegn la Memory-Tour da Gion-Duri Gisler ni Gaby Schaub.
Cuoz: 120 minutas. Cuosts: CHF 150.00 per gruppa da maximal 24 persunas.


Ulteriuras informaziuns davart mira!cultura Ortsführungen dil Museum Regiunal Surselva anfleis Vus cheu.