Novitads

Mulin Schnaus

Historia
Arnold Giger, professiunal construider da resgias e mulins, ei naschius igl onn 1843 a Quarten al Walensee. Entuorn igl onn 1871 eis el vegnius a Schnaus a star. 1877 ha el baghegiau la staziun da luvratori historica dad oz, la quala metta en funcziun numerusas maschinas cun agid dalla roda d'aua, quella funcziunescha aunc oz. Igl aschinumnau "Schnauser-" ni "Giger-Pflug" tagliava e vulveva la tiara en ina procedura ed era da pli liunga valeta ch'ils anteriurs araders, quei damai ch'el consisteva ord lenn e fier.

Rodund 50 araders vegnevan produci duront in onn ella fravia. Mintgamai la primavera cussegliava Arnold Giger siu arader en la Gasetta Romontscha per acquistar, medemamein entupavan ins el alla fiera a Glion. 1909 han ses fegls schau brevetar sia inventaziun. En tut ein 2'500 tochen 3'000 araders vegni produci ella fravia. Els onns 1970 ha igl arader da Schnaus giu sia re-naschientscha. Il retg da Bhutan ha importau la tecnologia correspondenta en siu reginavel, mo era entgins purs dalla Bolivia. Hans Lüthi ha menau ils exports d'araders da Schnaus entochen a Bhutan ed ella Bolivia.

Marveglias? Visitei il Mulin da Schnaus!

Temps d'avertura
entschatta fenadur entochen miez uost mintgamai la sonda, dallas 13.30 - 17.00 uras, dumengia da Pastgas ed al di svizzer da mulins.

per gruppas: tenor cunvegnientscha

Dapli informaziuns anfleis Vus cheu.

Contact

Luvratori historic 
frars Giger Mulin Schnaus
Ueli Giger
Strada Veglia 17
7130 Glion
tel. 081 925 14 40
mobil 079 681 85 30
gigerueliswissonlinech
www.mulin-schnaus.ch